Հայր Ֆրանչէսքօ Իելփօ նշանակուեցաւ Սուրբ Երկրի նոր Պահակ

Վազգէն Աբարդեան - Վատիկան

Լեւոն ԺԴ. Պապը հաստատեց Հայր Ֆրանչէսքօ Իելփոյի ընտրութիւնը՝ որպէս Սուրբ Երկրի պահակ եւ Սիոն լերան պահապան, որ նշանակուած է Ֆրանչիսկեաններուն Փոքր եղբայրներու միաբանութեան ընդհանուր մեծաւորին որոշումով։

54 տարեկան, հայր Իելփօ ծնած է Լաուրիա քաղաք, 18 մայիս 1970ին։ Ան վանք մտած է երբ համալսարանի աշակերտ էր եւ Փոքր Եղբայրներու ֆրանչիսկեան միաբանութեան իր ուխտերը կատարած է 1998ին, ապա 2000 թուականին ձեռնադրուած է քահանայ։

Քահանայական կեանքին մէջ ունեցած է տարբեր պաշտօններ, դասաւանդած է քրիստոնէականութիւն, նշանակուած է «Ֆրանչիսկանում Լուզզակոյին» համալսարանի տեուչ եւ 2010-2013 տարիներուն եղած է ժողովրդապետ Փատովայի Սուրբ Անտոն եկեղեցւոյ։

2022 թուականէն եղած է Սուրբ Երկրի հիմնադրամի նախագահ եւ Իտալիոյ մօր Սուրբ Երկրի պահակի պատուիրակ։