Գերպ Վարդան Վալտիր արք Պօղոսեան նշանակուեցաւ Պուէնոս Այրեսի հայ Կաթողիկէներու թեմի Առաքելական Կառավարիչ

Վատիկան Նիւզ - Հայկական բաժին

Ֆրանչիսկոս Սրբազան Քահանայապետը, գերպ. Վարդան Վալտիր արք. Պօղոսեանը նշանակեց`  Լատին Ամերիկայի, Մեքսիքոյի հայ կաթողիկէ հաւատացեալներուն, Պույնոս Այրէսի Սուրբ Գրգոր Նարեկացի թեմի թափուր աթոռի առաքելական կառավարիչ։

Գերապայծառ Պօղոսեանը եղած է համանուն թեմի վաստակաւոր եպիսկոպոսը։ Ան ծնած է Սաօ Փաոլոյի Փենափոլիս քաղաք 27 Փետրուար 1940։ Քահանայ ձեռնադրուած է 22 դեկտեմբեր 1966-ին։ 3 Յուլիս 1981ին ընտրուած է եպիսկոպոս եւ օծումը ստացած նոյն տարուայ դեկտեմբերին դառնալով Մարտինի Թեմի տիտղոսաւոր Արքեպիսկոպոս։ Չորս Յուլիս 2018ին ան տարիքի բերումով ներկայացուցած էր հրաժարականը եւ դարձած թեմի վաստակաւոր եպիսկոպոս, թէեւ կը շարունակէր իր առաքելութիւն մատուցել նոյն թեմէն ներս։