Սրբազան Պապը հիւանդանոցին մէջ կարկանդակով մը նշեց Քահանայապետութեան 12րդ տարեդարձը

Ռոպէր Աթթարեան - Վատիկան

Սուրբ Աթոռի մամլոյ գրասենեակը հինգշաբթի 13 Մարտի երեկոյեան հրապարակեց Ֆրանչիսկոս Սրբազան Քահանայապետին հայող նոր տեղեկութիւններ նշելով որ այսօր կէսօրէն ետքը բուժ անձնակազմը Նորին Սրբութեան սենեակ տարած է կարկանդակ մը տօնախմբելու համար անոր Քահանայապետ ընտրութեան 12րդ տարեդարձը։

Միշտ կէսօրէն ետքը Ֆրանչիսկոս Պապ հերակապ կապով հետեւեցաւ Պօղոս Զ անուան դահլիճին մէջ կայացած Հռոմի Քուրիայի Հոգեւոր Կրթութեան նիստին, ապա վերսկսաւ շնչառական բուժական խնամքը։

Ան կը շարունակէ գիշերային ժամերու ոչ ինվազիւ մեխանիկական օդափոխումը զայն օրուան ընթացքին փոխարինելով բարձր հոսքով թթուածնային կիրառումով օգտագործելով ռնգային սարքեր։

Բուժարանային իրավիճակը կ մնայ կայուն բարդ համապատկերի մը ներքոյ։

Վաղը կը սպասուի բժշկական նոր տեղեկագիր մը։