Քահանայապետը Ճեմելլիի մէջ. Ցնցղակծկումի (Bronchospasm) մեկուսացուած տագնապ: Սկսաւ ոչ ինվազիւ մեխանիկական շնչառութիւնը
Վատիկան Նիուզ - Հայկական Բաժանմունք
Ֆրանչիսկոս Պապը օրուայ առաջին կէսին, շնչառական դարմանումը փոխարինելէ ետք մատրան մէջ աղօթքով, ունեցաւ Ցնցղակծկումի (Bronchospasm) մեկուսացուած տագնապ, որ յառաջացուց փսխման դրուագ և շնչառական վիճակի յանկարծակի վատթարացում։ Քահանայապետը, անմիջապէս ներծծուած, սկսաւ ոչ ինվազիւ մեխանիկական օդափոխումը, լաւ արձագանքելով գազի փոխանակմանը: Նորին Սրբութիւնը միշտ զգօն ու կողմնորոշուած մնաց, համագործակցելով դարմանական խնամքներուն։ Կանխատեսումը կը մնայ վերապահուած։ Առաւօտեան ընդունեց Սուրբ Հաղորդութիւնը»։
Այս է այն ինչ` որ կը կարդանք Ուրբաթ, 28 Փետրուարի երեկոյեան, Սուրբ Աթոռի մամլոյ գրասենեակի կողմէ Ֆրանչիսկոս Պապին առողջութեան հայող հրատարակուած հաղորդագրութեան մէջ։
Այժմ անհրաժեշտ են 24-48 ժամ գնահատելու համար Պապի բուժարանային վիճակը Ցնցղակծկումի այս մեկուսացուած տագնապէն ետքը։
Տեղեկացուեցաւ նաեւ թէ` ոչ ինվազիւ մեխանիկական օդափոխումի շնորհիւ գազի փոխանակման արժէքները վերադարձան տագնապէն առաջ չափանիշերուն։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
