Ֆրանչիսկոս Պապ երկարաձգեց կարդինալական դասի աւագ երեցի եւ փոխ երեցի պաշտօնի ժամկէտը

Վազգէն Աբարդեան - Վատիկան

Ֆրանչիսկոս Պապ երկարաձգեց Կարդինալ Ճովաննի Պաթիսթա Ռէ-ի կարդինալական դասի աւագ երեցի պաշտօնի ժամկէտը ինչպէս նաեւ Կարդինալ Լէոնարտօ Սանտրի կարդինալական դասի փոխ երեցի պաշտօնի ժամկէտը։

Ֆրանչիսկոս Պապին որոշումը հաղորդեց Սուրբ Աթոռի մամլոյ գրասենեակը հրապարակելով հաղորդագրութիւն մը՝ 6 փետրուրաին որուն մէջ կը նշուի, թէ Ֆրանչիսկոս Պապը անցեալ 7 յունուարին որոշած է կարդինալ Ռէյի պաշտօնի երկարաձգումը մինչ Կարդնալ Սանտրիի պաշտօնի երկարաձգումը որոշած է անցեալ 14 յունուարին։

Ֆրանչիսկոս Պապ հաստատած է նաեւ, որ կարդինալ Ռոպէրթ Ֆրանսի Փրէվոս՝ եպիսկոպոսներուն վերատեսչութեան վերատեսուչը մաս պիտի կազմէ կարդինալական դասին եպիսկոպոսաց կարգին, շնորհելով անոր Ալպանիոյ եկեղեցւոյ տիտղոսը։