Վենեզուելլայի եպիսկոպոսները կ՛աղօթեն Երկրին բարօրութեան, միութեան եւ խաղաղութեան համար
Ռոպէր Աթթարեան - Վատիկան
«Յարատեւենք աղօթքի մէջ ի նպաստ միութեան» այս է Վենեզուելլայի Եպիսկոպոսական համահաւաք դասի պատգամը` ուղղուած Աստուծոյ ժողովուրդին ի տես Երկրին մէջ տեղի ունեցածին։
«Մեր երկրին մէջ այսօր տեղի ունեցող իրադարձութիւններու լոյսին ներքոյ մենք Աստուծմէ կը խնդրենք որ բոլոր վենեզուելացիներուն շնորհէ հանգստութիւն, իմաստութիւն և ուժ», - կը գրեն եպիսկոպոսները Քարաքասի վրայ ԱՄՆ-ի կողմէ նախագահ Տոնալտ Թրամփի հրամայած յարձակումէն յետոյ՝ որով նախագահ Մատուրոյին և անոր կինը ձերբակալուեցան անոնց դէմ մղուած թմրանիւթերու ապօրինի շրջանառութեան և ահաբեկչութեան մեղադրանքով ։
Աղօթել սրտի եւ ընկերութեան խաղաղութեան համար
Եպիսկոպոսները ապա իրենց զօրակցութիւնը կ՛արտայայտեն վիրաւորներուն ու մահացածներու ընտանիներուն հրաւիրելով բնակչութիւնը «աւելի խոր կերպով ապրելու յոյսը եւ սրտերուն ու ընկերութեան մէջ խաղաղութեան ի սպաս ջերմեռանդ աղօթքը»։
«Մենք կը մերժենք որեւէ բռնութեան արարք» կը յայտարարեն եպիսկոպոսները, որ ապա կը քաջալերեն «հանդիպումի» եւ «փոխադարձ աջակցութեան» արարքները, մաղթելով որ «որոշումները կայացուին ի նպաստ բնակչութեան բարօրութեան։ Անոնք ապա Քորոմոթոյի Սուրբ Կոյսէն կը հայցենք որ ընկերանայ բոլորի ուղեւորութեան։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
