Леў XIV правядзе сустрэчу з пісьменнікамі свету
Аляксандр Амяльчэня - Vatican News
Ватыканскае кніжнае выдавецтва "Libreria Editrice Vaticana" (LEV) адзначае векавы юбілей з дня свайго заснавання. У сувязі з гэтай адметнай гістарычнай падзеяй Святы Айцец прыме адмысловую групу аўтараў. Прыватная сустрэча Пантыфіка з творцамі адбудзецца ў сераду, 24 чэрвеня 2026 года.
У спісе запрошаных гасцей значацца сапраўдныя знакамітасці сучаснай літаратуры, чые творы карыстаюцца прызнаннем ва ўсім свеце. На ўрачыстую сустрэчу прыбудуць такія тытулаваныя аўтары, як Джон Фос, Мэрылін Робінсан, Элізабэт Страўт і Эрык-Эмануэль Шміт. Сярод удзельнікаў прыватнай аўдыенцыі будуць таксама Джонатан Сафран Фоэр, Віторыа Лінджардзі і Хулія Навара.
Разам з замежнымі гасцямі Папа прывітае пісьменнікаў, якія непасрэдна супрацоўнічаюць з ватыканскім выдавецтвам. У мерапрыемстве прымуць удзел каталіцкі аўтар Адрыен Кандыяр, а таксама вядомыя італьянскія літаратары Эральда Афінаці і Паола Малагуці.
