Базіліка Санта-Марыя-Маджорэ і Берніні: новы турыстычны маршрут
Аляксандр Панчанка – Vatican News
Экскурсійны маршрут “Берніні ў Санта-Марыя-Маджорэ: геній паміж мастацтвам і верай” уключае агляд магілы бацькі і сына – П’етра і Джана Ларэнца Берніні, баптыстэрыя з велічным мармуровым барэльефам “Унебаўзяцце Найсвяцейшай Панны Марыі”, скульптуры іспанскага караля Філіпа IV, знакамітай Вітой лесвіцы і завяршаецца на панарамнай тэрасе, адкуль адкрываецца маляўнічы від на дахі Рыма – ад першай майстэрні майстра да купала Базіліка Святога Пятра.
Спадчына базілікі на выставе ў Рыме
Нагодай для новай экскурсіі стала супрацоўніцтва паміж Базілікай Санта-Марыя-Маджорэ і Палацам Барберыні, у якім з 12 лютага па 14 чэрвеня 2026 года праходзіць выстава “Берніні і Барберыні”. Папская базіліка пазычыла для яе партрэтны бюст каноніка Джавані Анджэла Фруменці, аўтарства якога прыпісваецца Берніні.
Культурнае супрацоўніцтва
Базіліка Санта-Марыя-Маджорэ і Палац Барберыні заключылі пагадненне, згодна з якім прад’яўнікі білета на выставу “Берніні і Барберыні” могуць наведаць музей базілікі па зніжаным тарыфе. Таксама наведвальнікі Палаца Барберыні атрымліваюць зніжку на ўваход, прад’явіўшы білет у музейны комплекс папскай базілікі.
