2025 год: больш за 3 мільёны удзельнікаў аўдыенцый і цэлебрацый
Аляксандр Панчанка - Vatican News
Даныя, якія былі абнародаваныя ў Ватыкане, уключаюць удзельнікаў агульных і юбілейных аўдыенцый, спецыяльных аўдыенцый, літургічных цэлебрацый і сустрэч з Папам падчас малітвы “Анёл Панскі”.
У перыяд паміж студзенем і красавіком, у час пантыфікату Францішка, было зарэгістравана 262 820 удзельнікаў: 65 500 – на васьмі агульных і юбілейных аўдыенцыях, 10 320 – на спецыяльных аўдыенцыях, каля 62 000 – на літургічных цэлебрацыях і каля 130 000 – на малітве “Анёл Панскі”.
З часу абрання Льва XIV на Пасад святога Пятра – з 8 мая да канца года – колькасць удзельнікаў склала 2 913 800 чалавек. З іх 1 069 000 было зарэгістравана на трыццаці шасці агульных і юбілейных аўдыенцыях; 148 300 – на спецыяльных аўдыенцыях, 796 500 – на літургічных цэлебрацыях і каля 900 000 – на малітве “Анёл Панскі”.
Найбольшая колькасць удзельнікаў марыйнай малітвы з Папам была ў снежні – 250 000 чалавек, а ў кастрычніку пік быў дасягнуты як на цэлебрацыях – каля 200 000 удзельнікаў, так і на агульных і юбілейных аўдыенцыях – каля 295 000.
