Леў XIV склікае свой першы кансісторый
Аляксандр Панчанка - Vatican News
Кансісторый распачнецца на наступны дзень пасля ўрачыстага завяршэння Юбілею надзеі і закрыцця Святой Брамы Базілікі Святога Пятра ў Ватыкане, якое адбудзвецца 6 студзеня, ва ўрачыстасць Аб’яўлення Пана.
“Сустрэча будзе праходзіць на працягу двух дзён і будзе пазначана момантамі еднасці і братэрства, а таксама часам, прысвечаным рэфлексіі, абмену меркаваннямі і малітве. Гэтыя моманты будуць скіраваныя на спрыянне супольнаму распазнаванню і на аказанне падтрымкі і парады Святому Айцу ў ажыццяўленні яго высокай і адказнай місіі ў кіраванні паўсюдным Касцёлам”, - паведаміла Зала Друку Апостальскай Сталіцы.
Адзначаецца таксама, што “кансісторый упісваецца ў кантэкст жыцця і місіі Касцёла і мае на мэце ўмацаваць еднасць паміж Біскупам Рыма і кардыналамі, пакліканымі асаблівым чынам супрацоўнічаць у клопаце пра дабро паўсюднага Касцёла”.
