“Lectio Petri”: Касцёл, культура і мастацтва пра крызіс
Аляксандр Амяльчэня - Vatican News
Чацвёрты сезон сустрэч “Lectio Petri”, арганізаваны Фондам “Панадворак язычнікаў” (Cortile dei Gentili) і Фондам “Fratelli tutti”, распачнецца 21 кастрычніка 2025 года ў Базіліцы Святога Пятра. Сёлетняя тэма – кніга Кагэлета (Эклезіяста) – упершыню была абрана грамадскасцю праз апытанне ў сацыяльных сетках.
Кожная сустрэча будзе спалучаць духоўнае разважанне архіпрэзбітэра базілікі кардынала Маўра Гамбэці, біблійны каментар ад кардынала Джанфранка Равазі, а таксама творчы маналог запрошанага госця са свету культуры і мастацтва.
Першая сустрэча пройдзе 21 кастрычніка 2025 года і будзе прысвечана тэме часу. Яе назва – “Няма нічога новага пад сонцам”. Госцем стане журналіст Энрыка Мэнтана. 18 лістапада спявачка Наэмі выступіць з разважаннем на тэму “Марнасць марнасцей”. Цыкл працягнецца сустрэчамі 20 студзеня і 17 лютага 2026 года.
