Ватыкан далучыцца да “Гадзіны Зямлі”

Увечары 22 сакавіка 2025 года на шэсцьдзясят хвілін будзе выключана асвятленне купала і фасада Базілікі Святога Пятра. Такім чынам Ватыкан далучыцца да сусветнай ініцыятывы “Гадзіна Зямлі”, якую прасоўвае Сусветны фонд дзікай прыроды (WWF).

Аляксандр Панчанка - Vatican News

Ілюмінацыя самага знакамітага каталіцкага храма ў свеце будзе адлючана з 20.30 па 21.30 па цэнтральнаеўрапейскім часе. Такім чынам Ватыкан, які ўжо шмат гадоў прымае ўдзел у экалагічнай акцыі, выявіць салідарнасць з усімі, каму дарагі клопат пра планету.

“Гадзіна Зямлі” (Earth Hour) праводзіцца з 2007 года. У яе рамках усе жыхары планеты і арганізацыі запрашаюцца зрабіць просты ўчынак на карысць экалогіі – выключыць святло і іншыя не жыццёва важныя электрапрыборы на адну гадзіну.

Пра важнасць малых жэстаў для аховы нашага супольнага дома Папа Францішак пісаў у 2025 годзе ў энцыкліцы “Laudato si’”. “Нельга думаць, што гэтыя намаганні і так не зменяць свет. Такія дзеянні кідаюць у грамадстве зерне дабра, якое заўсёды прыносіць плён, незалежна ад таго, што можна сцвердзіць візуальна. Яны распачынаюць ва ўлонні гэтай зямлі дабро, якое заўсёды мае тэндэнцыю да пашырэння, часам незаўважна. Больш за тое, практыка гэтых паводзін дае нам пачуццё годнасці, вядзе да дасканалай экзістэнцыянальнай глыбіні, дазваляе нам адчуць вартасць жыцця ў гэтым свеце”, - гаворыцца ў дакуменце Святога Айца.