Арцыбіскуп Галахер распачаў візіт у Венгрыю

Аляксандр Панчанка – Vatican News

Арцыбіскуп Пол Рычард Галахер прыме ўдзел ва ўрачыстых мерапрыемствах, прымеркаваных да 60-годдзя з дня смерці арцыбіскупа Анджэла Рота, Апостальскага нунцыя ў Будапешце ў перыяд з 1930 па 1945 год. Ватыканскі дыпламат адышоў у вечнасць у 1965 годзе. У 1995 годзе ізраільскі інстытут "Яд Вашэм" пасмяротна надаў яму званне Праведніка народаў свету.

У гады Другой сусветнай вайны арцыбіскуп Рота актыўна выступаў супраць дэпартацыі яўрэяў і асабіста ўдзельнічаў у ратаванні пераследаваных. Ён масава выдаваў ім ватыканскія пашпарты, іншыя дакументы, фальшывыя пасведчанні аб хросце і курыраваў сетку дамоў, у якіх яўрэі маглі схавацца ад нацыстаў і венгерскіх калабарацыяністаў.

Удзелу арцыбіскупа Галахера ў цырымоніі ўшанавання памяці выбітнага нунцыя, якая пройдзе 28 сакавіка, папярэднічала яго сустрэча з міністрам замежных спраў і знешняга гандлю Венгрыі Петэрам Сіяртам і выступленне на штогадовай канферэнцыі венгерскіх паслоў. У другой палове дня прадстаўнік Папы сустрэнецца з арцыбіскупам Эштаргом-Будапешцкім Андрашам Верэсам, старшынёй Канферэнцыі Біскупаў Венгрыі, і пяццю грэка-каталіцкімі архіепіскапамі.

29 сакавіка сакратар па адносінах Святога Пасаду з дзяржавамі і міжнароднымі арганізацыямі наведае супольнасць бэнэдыктынскага абацтва Святога Марціна ў горадзе Панонхальма і гімназію, якая дзейнічае пры гэтым старажытным кляштары. У нядзелю, 30 сакавіка, ён узначаліць Святую Імшу ў конкатэдральным касцёле Святога Іштвана ў Будапешце.