18 кардыналаў увайшлі ў склад дыкастэрый Рымскай курыі

Аляксандр Амяльчэня - Vatican News

У склад Дыкастэрыі па евангелізацыі ўвайшлі кардынал Вісэнтэ Бакаліч Ігліч і кардынал Даменіка Баталья.

Дыкастэрыя веравучэння папоўнілася чатырма новымі чальцамі: кардыналамі Пабла Віргіліа Сіёнгка Давідам, Жаімэ Спэнглерам, Іньясам Бэсі Догба і Раберта Рэполе.

Кардынал Джордж Джэйкаб Коавакад прызначаны ў Дыкастэрыю Усходніх Цэркваў. У Дыкастэрыю Божага культу і дысцыпліны сакрамэнтаў увайшоў кардынал Жаімэ Спэнглер, а ў Дыкастэрыю па справах кананізацыі – кардынал Дамінік Жазэф Мацьё.

Чальцом Дыкастэрыі па справах біскупаў будзе кардынал Раландас Макрыцкас. Кардынал Бальдасарэ Рэйна прызначаны ў Дыкастэрыю па справах духавенства, а кардынал Луіс Херарда Кабрэра Эрэра – у Дыкастэрыю па справах інстытутаў кансэкраванага жыцц я.

Кардынал Фабіа Баджа ўвайшоў у Дыкастэрыю па справах свецкіх, сям'і і жыцця. Кардынал Ладзіслаў Нэмет прызначаны ў Дыкастэрыю па садзейнічанні хрысціянскаму адзінству, а кардынал Жан-Поль Веско – у Дыкастэрыю па міжрэлігійным дыялогу.

У Дыкастэрыю па культуры і адукацыі ўвайшоў кардынал Мікола Бычок, у Дыкастэрыю па служэнні інтэгральнаму развіццю чалавека – кардынал Карлас Густава Кастыльё Матасольё, у Дыкастэрыю па заканадаўчых тэкстах – кардынал Фрэнсіс Леа, а ў Дыкастэрыю па камунікацыі – кардынал Тарчызіё Ісаа Кікучы.

Таксама кардынал Фернанда Наталіа Чамалі Гарыб прызначаны ў Папскую камісію па справах Лацінскай Амерыкі.