Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Finale: Allegro con spirito
Расклад Падкасты
Арцыбіскуп Пол Рычард Галахер (архіўнае фота) Арцыбіскуп Пол Рычард Галахер (архіўнае фота)  (TUZN)

Галахер: свабода веравызнання – неад'емнае права чалавека

Сакратар па адносінах з дзяржавамі і міжнароднымі арганізацыямі наведвае Княства Манака на запрашэнне Альберта II. 26 студзеня 2025 года ён узначаліў святую Імшу ў гонар урачыстасці святой Дэвоты, заступніцы краіны.

Марыя Валодзіна - Vatican News

Звяртаючыся да прысутных у катэдры Беззаганнага Зачацця, арцыбіскуп Пол Рычард Галахер нагадаў пра пакуты шматлікіх хрысціян у розных частках свету. Ён заклікаў не дапускаць атручвання сэрца нянавісцю. Гнеў супраць зла і несправядлівасці законны, але нянавісць недапушчальная, нават калі чалавека пераследуюць за веру, падвяргаюць дыскрымінацыі, зняволенню або нават смерці, - адзначыў ён.

Пры гэтым нельга не асуджаць парушэнні рэлігійнай свабоды, "фундаментальнага, першаснага і неад'емнага права”, за якое многія людзі аддалі сваё жыццё. Ён спаслаўся на апякунку Манака, якая была жорстка закатавана ў 304 годзе пасля адмовы падпарадкавацца імператару.

Іерарх падкрэсліў, што і сёння ў розных краінах свету “сцвярджэнне хрысціянскай веры можа прывесці да абвінавачванняў у блюзнерстве супраць асноўнай рэлігіі, да дыскрымінацыі ў доступе да працы, пасад, маёмасці, або нават да турэмнага зняволення ці смерці”.

"Гэта не тычыцца Княства Манака, дзе каталіцызм з’яўляецца афіцыйнай рэлігіяй", - удакладніў дыпламат, але ў многіх кутках свету пад сур'ёзнай пагрозай знаходзіцца не столькі хрысціянская вера (гісторыя паказала, што яна толькі ўмацоўваецца перад абліччам нападаў), колькі менавіта рэлігійная свабода.

Арцыбіскуп Галахер заклікаў да пакоры, мяккасці і велікадушнасці, каб “разбурыць нябачныя муры, якія маргіналізуюць, аддзяляюць і ізалююць нашы грамадства”. "Там, дзе гонар, заўсёды вайна, заўсёды жаданне перамагчы іншых, сцвердзіць сваю перавагу", - сказаў ён, дадаючы, што "без пакоры няма міру і без міру няма адзінства".

На заканчэнне гаміліі іерарх заклікаў вернікаў Манака "жыць сваёй верай у поўнай меры ". Ён заахвоціў іх у Юбілейны год "неадкладна” далучыцца да пошуку страчанай надзеі, каб сеяць яе пасярод роспачы нашага часу і нашага свету.

27 студзеня 2025, 13:37
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031