1600 бяздомных запрошаны на прэм'еру мюзікла ў Ватыкане
Аляксандр Амяльчэня - Vatican News
Мюзікл Бернадэта з Лурда, які ўжо паспяхова прайшоў у Францыі і сабраў больш за 400 тысяч гледачоў, упершыню будзе паказаны ў італьянскай версіі. Спектакль пабудаваны ў форме расследавання, заснаванага на гістарычных дакументах, і распавядае гісторыю маладой Бернадэты і яе марыйных аб'яўленняў.
Апошнія будуць першымі
"Гэта добра, што менавіта з беднымі, з якімі атаясамлівае сябе Хрыстус, мы хочам пачаць гэты вялікі Юбілей надзеі", - падкрэсліў прэфект Дыкастэрыі па міласэрным служэнні.
Галоўную ролю ў італьянскай версіі мюзікла выконвае маладая спявачка Гая Дзі Фуска. "Бернадэта з Лурда стала мне вельмі блізкай, яна падобная да мяне і мае рысы характару, уласцівыя сучасным падлеткам", - падзялілася артыстка.
Гэта мюзікл для ўсіх, асабліва для моладзі
"Мая гераіня гаворыць пра важныя каштоўнасці і выбар. Гэта мюзікл для ўсіх, асабліва для маладых людзей, каб яны навучыліся адстойваць свае погляды", - падкрэслівае Гая Дзі Фуска.
Цікава, што ідэя мюзікла нарадзілася ў 2010 годзе, калі стваральнікі мюзікла пра Робіна Гуда наведалі санктуарый у Лурдзе. Пасля поспеху ў Францыі спектакль быў паказаны на Сусветных днях моладзі ў Панаме, а цяпер стане часткай культурнай праграмы Юбілейнага года.
