У Сакратарыят па эканоміцы прызначаны новы сакратар

1 лютага 2024 года Францішак прызначыў новага сакратара ў Сакратарыят па эканамічных пытаннях Апостальскай Сталіцы. Ім стаў іспанец Бенджамін Эстэвес дэ Камінжэс, які да гэтага часу кіраваў другой секцыяй Дыкастэрыі па евангелізацыі.

Марыя Валодзіна - Vatican News

Бенджамін Эстэвес дэ Камінжэс нарадзіўся ў 1974 годзе ў горадзе Віга ў Іспаніі. Ён жанаты, мае траіх дзяцей. Атрымаў ступень у галіне эканомікі і дзелавога адміністравання, з'яўляецца інжынерам па тэлекамунікацыях. Акрамя таго, атрымаў ступень магістра ў галіне менеджменту ў Масачусэцкім тэхналагічным інстытуце.

Сваю прафесійную дзейнасць Бенджамін Эстэвес дэ Камінжэс распачаў у прыватным сектары ў якасці кансультанта ў галіне тэлекамунікацый у кампаніі Andersen Consulting. Пазней кіраваў камерцыйным стартапам. Пасля вучобы ў Масачусэцкім тэхналагічным інстытуце працаваў дырэктарам па камерцыі і маркетынгу ў Lar Group, адной з вядучых іспанскіх кампаній у галіне нерухомасці.

У 2013 годзе стаў генеральным дырэктарам па эканамічных пытаннях Папскага ўніверсітэта Камільяс у Мадрыдзе. Пасля амаль 10 гадоў працы ва ўніверсітэце, у снежні 2021 года, быў прызначаны кіраўніком другой секцыі Дыкастэрыі па евангелізацыі і займаў гэтую пасаду з сакавіка 2022 года.