Прэзідыум епіскапату Германіі на кансультацыях у Ватыкане

4 кастрычніка 2022 года адбылася сустрэча прэзідыума Канферэнцыі Біскупаў Германіі з кіраўніцтвам Сінода Біскупаў, - паведамілі ў Twitter Генеральнага сакратарыята Сінода Біскупаў.

Аляксандр Амяльчэня - Vatican News

Сустрэча, якая праходзіла ў сардэчнай атмасферы, стала магчымасцю прадставіць Дакумент для кантынентальнага этапу сінадальнага працэсу, распрацаваны мінулымі тыднямі ў італьянскім Фраскаці, - гаворыцца ў паведамленні.

На далучаным здымку побач з Генеральным сакратаром Сінода Біскупаў, кардыналам Марыё Грэкам і падсакратарамі: біскупам Луісам Марынам дэ Сан-Марцін і сястрой Наталі Бекар можна ўбачыць старшыню нямецкага епіскапату біскупа Георга Бэтцынга, віцэ-старшыню біскупа Франца-Ёзэфа Бодэ, а таксама генеральнага сакратара доктар Бэатэ Гілес.