Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Беларуская праграма Vatican News
Расклад Падкасты
Кардынал Луіс Антоніа Тагле Кардынал Луіс Антоніа Тагле 

Кардынал-прэфект: пандэмія вярнула нас да сэрца місіі

Чалавецтва шмат пацярпела, але пандэмія не перашкодзіла нашай місійнай дзейнасці. На гэта ўказаў кардынал Луіс Антоніа Тагле, прэфект Кангрэгацыі Евангелізацыі Народаў.

Ян Глінскі - Vatican News

Падчас адкрыцця штогадовай Генеральнай асамблеі Папскіх місійных ініцыятыў, якая праходзіла ў фармаце анлайн 1-3 чэрвеня 2021 г., іерарх заўважыў, што пандэмія дала “вялікі ўрок пакоры”: многія душпастырскія планы і праграмы не ўдалося рэалізаваць, настала “перавыхаванне”, “мы вярнуліся да сэрца місіі, абуджаючы нанова місійную зацікаўленасць у сем’ях, школах, парафіях і месцах працы”.

Як патлумачыў прэфект, адкрыццё місіянерскага паклікання кожным ахрышчаным вядзе да “жэстаў місійнай любові і салідарнасці да бедных і церпячых”.

Кажучы пра евангелізацыю, кардынал Тагле звярнуў увагу на важнасць прысутнасці місіянераў у лічбавай прасторы, у сацыяльных сетках, дзе яны могуць дзяліцца сваімі натхняльнымі гісторыямі і досведам. “Бог наладзіў сувязь з намі, пасылаючы нам Сына, Слова, якое сталася целам”, і такім чынам “прамовіў на мове чалавецтва”.

Прэфект Кангрэгацыі Евангелізацыі Народаў нагадаў, што не дастаткова толькі абвяшчаць Евангелле, трэба жыць ім, “бо маладыя людзі, эксперты ў віртуальнай рэальнасці, лёгка распазнаюць, ці аўтэнтычная асоба, якая наладжвае сувязь, ці жыве яна пасланнем, якім дзеліцца”.
 

04 чэрвеня 2021, 12:49
Prev
March 2025
SuMoTuWeThFrSa
      1
2345678
9101112131415
16171819202122
23242526272829
3031     
Next
April 2025
SuMoTuWeThFrSa
  12345
6789101112
13141516171819
20212223242526
27282930