Святы Айцец прызначыў Генеральнага рэвізора

Папа прызначыў Алесандра Касініса Рыгіні Генеральным рэвізорам, упаўнаважаным праводзіць аўдыт усіх устаноў Святога Пасаду і Дзяржавы Ватыкан. З 2017 г. ён быў на пасадзе ў якасці выконваючага абавязкі.

Аляксандр Амяльчэня - Vatican News

Акрамя правядзення аўтаномнага і незалежнага аўдыту ўсіх суб'ектаў Святога Пасаду і Ватыкана, Упраўленне Генеральнага рэвізора выступае ў якасці антыкарупцыйнага органа, праводзіць праверкі канкрэтных сітуацый, звязаных з анамаліямі выкарыстання або размеркавання фінансавых або матэрыяльных рэсурсаў, парушэннямі пры заключэнні кантрактаў або пры здзяйсненні здзелак і распараджэнняў, у сувязі з актамі карупцыі або махлярства.