Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Thema and variationen - Andante
Расклад Падкасты
Ілюстрацыйнае фота Ілюстрацыйнае фота

Малітоўная ініцыятыва ў рамках барацьбы з пандэміяй

Камітэт па рэалізацыі мэтаў “Дэкларацыі аб братэрстве паміж людзьмі, міры ў свеце і агульным суіснаванні” выступіў з малітоўнай ініцыятывай у рамках барацьбы з каронавірусам.

Спецыяльнае паведамленне міжрэлігійнай структуры было абнародавана 2 мая 2020 г. У ім адзначаецца, што “наш свет сустракаецца сёння з вялікай небяспекай, якая пагражае жыццю мільёнаў людзей на ўсёй планеце”.

“Пацвярджаючы важную ролю медыкаў і навуковых даследаванняў для пераадолення пандэміі, не будзем забываць звяртацца да Бога-Стварыцеля падчас гэтага сур’ёзнага крызіса”

, - напісалі аўтары звароту.

Камітэт заклікаў усіх людзей на планеце, незалежна ад іх веры і рэлігійных перакананняў, да посту і малітвы, просячы Бога, каб спыніў пандэмію, абараніў людзей, дапамог навукоўцам стварыць неабходныя лекі, а таксама выбавіў свет ад медыцынскіх, эканамічных і гуманітарных наступстваў распаўсюджвання каронавіруса.

У сувязі з гэтым, у адпаведнасці з мэтамі Дакумента аб чалавечым братэрстве, прапануецца правесці ў чацвер 14 мая Дзень малітвы і посту, каб людзі розных веравызнанняў у адзін голас маглі звярнуцца ад Бога, просячы аб ратаванні чалавецтва, дапамозе перад абліччам пандэміі, вяртанні бяспекі, стабільнасці, здароўя і росквіту, а таксама, каб наш свет стаў больш гуманным і братэрскім.

Камітэт па рэалізацыі мэтаў “Дэкларацыі аб братэрстве паміж людзьмі, міры ў свеце і агульным суіснаванні” быў створаны 21 жніўня 2019 г. Структура паклікана спрыяць дасягненню ідэалаў, акрэсленых у дакуменце, які папа Францішак і Вялікі імам Аль-Азхар, шэйх Ахмед Эль Таеб, падпісалі 4 лютага 2019 г. у Абу-Дабі.




 

02 мая 2020, 13:41
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031