Прызначаны новы прэфект Сакратарыята па эканамічных пытаннях

Папа прызначыў прэфектам Сакратарыята па эканамічных пытаннях айца Хуана Антоніа Герэра Алвеса, генеральнага саветніка Таварыства Езуса, паведаміла 14 лістапада 2019 г. Зала Друку.

У 60-гадовага іспанскага езуіта ёсць эканамічная адукацыя – ён вучыўся ў Мадрыдскім аўтаномным універсітэце. Там жа ён вывучаў філасофію і літаратуру. У Папскім універсітэце Comillas атрымаў тэалагічную адукацыю. З 2015 па 2017 гг. быў эканомам Таварыства Езуса ў Мазамбіку. З 2017 г. жыве ў Рыме і з’яўляецца дэлегатам генеральнага настаяцеля па ўпраўленні дамамі і па міжправінцыйных ініцыятывах, а таксама генеральным саветнікам Таварыства Езуса.

Айцец Герэра Алвес змяніў на пасадзе прэфекта Сакратарыята па эканамічных пытаннях аўстралійскага кардынала Джорджа Пэла.

Навіна ў фармаце аўдыё