Прадстаўнік Святога Пасада ў Нью-Ёрку ацаніў рызыкі тэхналогій
Аляксандр Амяльчэня - Vatican News
Падчас інтэрактыўнага дыялогу дэлегацыя Святога Пасада прывітала сустаршыняў Міжнароднай незалежнай навуковай групы па штучным інтэлекце. Было падкрэслена, што Касцёл з вялікай увагай сочыць за развіццём найноўшых лічбавых сістэм.
Менавіта таму Святы Пасад цалкам падтрымлівае місію Навуковай групы па падрыхтоўцы аб’ектыўных ацэнак і аналізе рызык. Першы штогадовы даклад гэтай структуры будзе прадстаўлены ўжо праз месяц на Сусветным дыялогу па кіраванні штучным інтэлектам у Жэневе.
Святы Пасад перакананы, што строгі аналіз магчымасцей і небяспек штучнага інтэлекту трэба разглядаць як акт высокай адказнасці. Сёння відавочны глыбокі разрыў паміж імклівым тэхналагічным прагрэсам і павольным стварэннем міжнародных нормаў або ахоўных механізмаў.
Этычныя меркаванні павінны вызначаць тэхнічныя параметры з самага пачатку, а не пасля завяршэння працы. Этычнае распазнанне, як заўважыў Папа Леў XIV, не можа абмяжоўвацца выключна пытаннямі добрага ці дрэннага выкарыстання сістэмы. Яно павінна даследаваць саму яе структуру і тую канцэпцыю бачанне чалавека, якая закладзена ў мадэлях.
Дыпламат заявіў, што Святы Пасад гатовы далей удзельнічаць у міжнародных намаганнях, каб штучны інтэлект заўсёды абараняў годнасць асобы і наканаванае Богам пакліканне чалавека.
