Карэя адчыняе дзверы: дыпламаты дапамогуць пілігрымам СДМ
Аляксандр Амяльчэня - Vatican News
На сустрэчы з дыпламатамі з 25 краін Еўропы і Лацінскай Амерыкі, якая прайшла ў кампусе Каталіцкага ўніверсітэта Карэі, арганізатары СДМ абмеркавалі спрашчэнне візавых працэдур.
Ксёндз Фабіяна Рэбеджані, намеснік дырэктара аргкамітэта, падкрэсліў, што форум у Сеуле стане першым у краіне з нехрысціянскай большасцю, што адкрывае асаблівыя магчымасці для глыбокай сустрэчы з Богам.
Дыпламатычны корпус выказаў гатоўнасць садзейнічаць паездкам маладых людзей, а аргкамітэт заклікаў епіскапаты свету своечасова вызначыцца з колькасцю ўдзельнікаў для вырашэння пытанняў з авіяпералётамі і жыллём. Сумесная праца з дыпламатычнымі місіямі павінна зняць бар’еры для тых, хто ўжо прыкладае вялікія намаганні, каб трапіць у Карэю.
Пакуль ідзе дыпламатычная падрыхтоўка, па ўсёй краіне ідзе перэгранацыя Крыжа СДМ і іконы Маці Божай. Для мясцовай моладзі гэта магчымасць адчуць любоў Хрыста праз малітвы мільёнаў людзей з усяго свету, якія звязаны з гэтымі сімваламі.
