Ізраіль зняў бюракратычныя перашкоды для "Caritas"
Аляксандр Амяльчэня - Vatican News
Міжміністэрская група Ізраіля пасля перагляду справы пастанавіла, што патрабаванні па абавязковай перарэгістрацыі і атрыманні новых дазволаў для замежнага персаналу больш не тычацца дыяцэзіяльнай дабрачыннай структуры. Гэтае рашэнне адмяняе ўсе папярэднія фармальныя патрабаванні, што фактычна паклала канец перыяду адміністрацыйнай няпэўнасці.
Такая яснасць дазваляе працаваць з упэўненасцю ў складаных умовах гуманітарнага крызісу. "Caritas" выказала шчырую ўдзячнасць усім, хто на розных узроўнях паспрыяў паспяховаму вырашэнню гэтага пытання.
Цяпер арганізацыя можа цалкам засяродзіцца на сваёй асноўнай місіі – падтрымцы бедных і аказанні медыцынскай і сацыяльнай дапамогі. Гэта асабліва важна ў часы, калі патрэбы мясцовага насельніцтва растуць, а магчымасці для працы гуманітарных місій часта застаюцца абмежаванымі.
