Вашынгтон рыхтуецца да найбуйнейшага “Маршу за жыццё”
Аляксандр Амяльчэня - Vatican News
Нацыянальны “Марш за жыццё” 2026 года, запланаваны на 23 студзеня 2026 года, абяцае сабраць дзясяткі тысяч удзельнікаў, якія выйдуць на вуліцы амерыканскай сталіцы, каб засведчыць годнасць чалавека.
Старшыня Фонду адукацыі і абароны “Марша за жыццё” Джэні Брэдлі Ліхтэр адзначыла, што абраная тэма з’яўляецца ўніверсальным пасланнем, якое прабіваецца праз шум сучаснага свету і запрашае ўсіх далучыцца да духу радасці і спачування.
Кожнае жыццё – гэта дар, незалежна ад абставін
Асаблівае натхненне сёлетняму мерапрыемству надае той факт, што новы Пантыфік, Папа Леў XIV, будучы маладым студэнтам, сам удзельнічаў у “Маршы за жыццё”. Гэтая асабістая сувязь Святога Айца з рухам за жыццё становіцца магутным прыкладам для тысяч маладых людзей, якія збяруцца ў Вашынгтоне.
Марш пройдзе ад Нацыянальнай алеі праз Капітолій да будынка Вярхоўнага суда, суправаджаючыся малітвай, спевамі і выступленнямі вядомых грамадскіх дзеячаў і палітыкаў.
Праграма ўключае не толькі саму шэсце, але і шэраг духоўных падзей, сярод якіх Нацыянальнае малітоўнае чуванне ў Базіліцы Нацыянальнага санктуарыя Беззаганнага Зачацця. Вернікі змогуць удзельнічаць у святых Імшах, якія ўзначаляць амерыканскія іерархі, а таксама прыступіць да сакрамэнту споведзі. Таксама запланаваны выступленні маці, чыё жыццё змянілася пасля адмовы ад аборту, і прадстаўнікоў розных рэлігійных супольнасцей.
Марш – крытычны момант для трансфармацыі культуры і дапамогі жанчынам
Джэні Брэдлі Ліхтэр падкрэсліла, што хоць многія штаты ўжо прынялі законы для абароны жыцця пасля адмены рашэння па справе Роу супраць Уэйда, наперадзе застаецца шмат працы па стварэнні культуры любові і падтрымкі для цяжарных жанчын.
Марш застаецца найважнейшай пляцоўкай для дыялогу з моладдзю і абароны правоў тых, хто яшчэ не можа гаварыць за сябе.
