Папу чакаюць на форуме ў Рыміні
Аляксандр Амяльчэня - Vatican News
Гэтая навіна стала вядомая пасля аўдыенцыі Пантыфіка з Бернхардам Шольцам, старшынёй аднайменнага Фонду. Сустрэча прайшла 26 студзеня 2026 года ў вельмі цёплай і сардэчнай атмасферы, падчас якой кіраўнік арганізацыі змог асабіста прадставіць Святому Айцу асноўныя ідэі і мэты будучага мерапрыемства.
Сёлетні форум стане ўжо 47-м па ліку і пройдзе з 21 па 26 жніўня 2026 года. Арганізатары абралі для яго вельмі паэтычны і глыбокі дэвіз, узяты з апошняга радка “Боскай камедыі” Дантэ Аліг’еры: “Любоў, што рухае сонца і іншыя зоркі”. Гэтыя словы павінны стаць камертонам для ўсіх дыскусій і сустрэч, якія адбудуцца ў межах імпрэзы.
Як паведаміла прэс-служба Фонду, Бернхард Шольц выказаў глыбокую ўдзячнасць за магчымасць падзяліцца з Папам матывамі дзейнасці арганізатараў.
Нагадаем, што традыцыйныя сустрэчы ў Рыміні арганізуюцца рухам “Comunione e Liberazione” (Камунія і Вызваленне), які заўсёды актыўна спрыяе дыялогу паміж культурамі і рэлігіямі.
