Даследаванне выявіла праблемы рэлігійнай свабоды ва Украіне
Аляксандр Амяльчэня - Vatican News
Згодна з вынікамі апытання, праведзенага ўкраінскім Цэнтрам Разумкова ў кастрычніку 2024 года, сітуацыя з рэлігійнай свабодай ва Украіне выклікае занепакоенасць. Даследаванне ахапіла каля 2 тысяч дарослых рэспандэнтаў ва ўсіх падкантрольных Кіеву рэгіёнах краіны.
"Сітуацыя з рэлігійнай свабодай значна пагоршылася за апошнія гады", - адзначаюць эксперты Цэнтра. Колькасць тых, хто не згодны з меркаваннем аб поўнай рэлігійнай свабодзе ў краіне, дасягнула рэкорднай лічбы – 25 працэнтаў, што на 8 працэнтных пунктаў больш, чым у 2020 годзе.
Асаблівую заклапочанасць выказваюць вернікі Украінскай Праваслаўнай Царквы (УПЦ), якая раней належала да Маскоўскага Патрыярхату. Большасць з іх сцвярджае пра адсутнасць рэлігійнай свабоды, што звязана з дзеяннямі ўлад па адабранні храмаў і прыняццем у жніўні 2024 года спецыяльнага закона, які дазваляе забараняць рэлігійныя арганізацыі праз суд за сувязі з Расіяй.
"Нягледзячы на складаную сітуацыю, даверу да рэлігійных устаноў павялічваецца", - паведамляюць даследчыкі. У кастрычніку 2024 года 62,5 працэнта ўкраінцаў выказалі давер да Царквы, што перавышае паказчык 2023 года (59,2 працэнта). Для 43 працэнтаў рэспандэнтаў Царква з'яўляецца маральным аўтарытэтам сучаснасці.
Аднак 40 працэнтаў апытаных лічаць, што рэлігійныя арганізацыі злоўжываюць сваімі правамі і свабодамі, у той час як 33 працэнта не падзяляюць гэтую думку. Большасць рэспандэнтаў пры гэтым адзначае станоўчую ролю Царквы ва ўкраінскім грамадстве.
