Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Sanctus dalla Deutsche Messe
Расклад Падкасты
На Франкфурцкім кніжным кірмашы На Франкфурцкім кніжным кірмашы  (AFP or licensors)

Франкфурцкі кірмаш: выданні Францішка і Бэнэдыкта XVI

У Франкфурце-на-Майне пачаўся 76-ы Міжнародны кніжны кірмаш. Арганізатары чакаюць тысячы наведвальнікаў і 4 тысяч удзельнікаў з усяго свету.

Аляксандр Амяльчэня - Vatican News

Сёлета дэвізам найбуйнейшай у свеце падзеі кніжнай індустрыі стаў лозунг FBM24 is Read!ng, а ганаровым госцем выступае Італія.

Духоўная літаратура займае важнае месца ў сучасным кніжным свеце

Сярод удзельнікаў – Ватыканскае выдавецтва Libreria Editrice Vaticana (LEV), якое прэзентуе дзве кнігі Францішка: Надзея – гэта святло ўначы. Разважанні пра пакорную цноту (La speranza è una luce nella notte. Meditazioni sulla virtù umile) і Вера – гэта падарожжа. Разважанні для вандроўнікаў і пілігрымаў (La fede è un viaggio. Meditazioni per viandanti e pellegrini).

Наведвальнікі кірмашу таксама атрымаюць магчымасць пазнаёміцца з унікальным зборнікам непублічных казанняў Бэнэдыкта XVI Пан трымае нас за руку. Адвэнт, Вялікі пост, Вялікдзень. Неапублікаваныя гаміліі (Il Signore ci tiene per mano. Avvento, Quaresima, Pasqua. Omelie inedite). Гаворка ідзе пра глыбокія разважанні, якімі Бэнэдыкт XVI дзяліўся ў вузкім коле ў гады свайго пантыфікату і ў першыя гады пасля сыходу.

Асаблівае месца займае кніга-расследаванне журналіста Франчэска Каміны Лязо і крыж. Гісторыі католікаў, якія супрацьстаялі Гітлеру (La lama e la croce. Storie di cattolici che si opposero a Hitler), якая знаёміць чытачоў з гісторыямі католікаў-антынацыстаў.

Штучны інтэлект змяняе кніжную індустрыю, але не можа замяніць творчасць чалавека

Нямецкая асацыяцыя кнігагандлю падкрэсліла глыбокія змены на кніжным рынку, выкліканыя штучным інтэлектам. Дырэктарка асацыяцыі Карын Шмідт-Фрыдэрыхс адзначыла, што штучны інтэлект прапануе шмат магчымасцей для выдаўцоў, кнігарняў і лагістыкі, але пакуль не здольны пісаць захапляльныя, раздражняльныя, кранальныя і натхняльныя тэксты.

Дырэктар Франкфурцкага кніжнага кірмашу Юрген Боос звярнуў увагу на тое, што на асноўных інтэрнэт-платформах зараз даступна 50 тысяч аўдыёкніг, створаных выключна з выкарыстаннем галасоў, згенераваных штучным інтэлектам. Гэта таксама паказвае змены на рынку. Аднак кніжны кірмаш – гэта месца, дзе можна пачуць сапраўдныя галасы і сустрэцца з сапраўднымі аўтарамі.

Франкфурцкі кніжны кірмаш мае больш чым 500-гадовую гісторыю. Першы сучасны кірмаш адбыўся ў 1949 годзе, а з 1988 года кожны год выбіраецца краіна-госць, якая прэзентуе ўласную літаратуру і культурную праграму.
 

17 кастрычніка 2024, 10:13
Prev
March 2025
SuMoTuWeThFrSa
      1
2345678
9101112131415
16171819202122
23242526272829
3031     
Next
April 2025
SuMoTuWeThFrSa
  12345
6789101112
13141516171819
20212223242526
27282930