Архіепіскап Кентэрберыйскі асудзіў масавыя беспарадкі ў Вялікабрытаніі
Марыя Валодзіна – Vatican News
Англіканскі іерарх падкрэсліў неабходнасць адзінства і павагі да ўсіх грамадзян Вялікабрытаніі, асудзіўшы жорсткія антымусульманскія беспарадкі і рост антысемітызму, якія нанеслі значны ўрон супольнасцям па ўсёй краіне.
Разам з іншымі рэлігійнымі лідарамі Вялікабрытаніі арцыбіскуп Уэлбі заклікаў да мірных рашэнняў і ўзнёс малітвы за пацярпелых, параненых, паліцыю і грамадства ў цэлым. Ён падкрэсліў згубны ўплыў гвалтоўных пратэстаў, заявіўшы, што такія дзеянні падрываюць справу, якую яны імкнуцца падтрымліваць. На думку Уэлбі, мірныя дэманстрацыі аказалі б больш значнае ўздзеянне, чым масавыя беспарадкі.
Яго словы прагучалі на фоне росту заклапочанасці масавымі беспарадкамі на глебе ксенафобіі ў Лондане, Бірмінгеме, Ёркшыры і іншых гарадах Вялікабрытаніі. Яны ўспыхнулі пасля інцыдэнту 29 ліпеня 2024 года ў Саўпарце, у выніку якога 17-гадовы грамадзянін Вялікабрытаніі руандыйскага паходжання забіў трох дзяўчат.
Канферэнцыя Каталіцкіх Біскупаў Англіі і Уэльса таксама прадэманстравала салідарнасць з маргіналізаванымі супольнасцямі, якія пацярпелі ад гвалту, пацвердзіўшы прыхільнасць Касцёла несці надзею і падтрымку тым, хто мае ў ёй патрэбу.
