Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
ІМША НА ЛАЦІНСКАЙ МОВЕ
Расклад Падкасты
Дональд Трамп пасля страляніны на перадвыбарным мітынгу Дональд Трамп пасля страляніны на перадвыбарным мітынгу  (ANSA)

Святы Пасад выказаў занепакоенасць у сувязі з замахам на Трампа

Эпізод насілля, у выніку якога пацярпеў былы прэзідэнт ЗША Дональд Трамп, “раніць людзей і дэмакратыю”, - гаворыцца ў заяве Залы Друку Святога Пасада.

Марыя Валодзіна - Vatican News

"Святы Пасад выказвае занепакоенасць у сувязі з учорашнім эпізодам насілля, які раніць людзей і дэмакратыю, выклікаючы пакуты і смерць. Святы Пасад далучаецца да малітвы біскупаў ЗША за Амерыку, за ахвяр і за мір у краіне, каб ніколі не пераважалі матывы тых, хто звяртаецца да гвалту”, - гаворыцца ў заяве, апублікаванай 14 ліпеня 2024 года Залай Друку Апостальскай Сталіцы.

Замах на Трампа, які меў месца на палітычным мітынгу ў штаце Пенсільванія, асудзіў таксама і амерыканскі епіскапат. У заяве арцыбіскупа Цімаці Броліа, старшыні Канферэнцыі Каталіцкіх Біскупаў ЗША, гаворыцца: "Разам з братамі-біскупамі мы асуджаем палітычны гвалт і ўзносім нашы малітвы за Прэзідэнта Трампа і тых, хто быў забіты ці паранены. Мы таксама молімся за нашу краіну і за спыненне палітычнага насілля, якое ніколі не з'яўляецца рашэннем палітычных рознагалоссяў". Арцыбіскуп Броліа заклікаў "усіх людзей добрай волі далучыцца ў малітве за мір у нашай краіне" і звярнуўся па дапамогу да Божай Маці, апякункі Амерыкі.

Дональд Трамп быў паранены ў вуха ў выніку страляніны, якая адбылася 13 ліпеня 2024 года на перадвыбарным мітынгу ў горадзе Батлер, штат Пенсільванія. Стралок быў застрэлены агентамі службы бяспекі. Адзін з удзельнікаў мітынгу загінуў.

15 ліпеня 2024, 09:27
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031