Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Папа Францішак і Архіепіскап Джасцін Уэлбі Папа Францішак і Архіепіскап Джасцін Уэлбі  (AFP or licensors)

Архіепіскап Уэлбі: Папа мае надзвычайна глыбокую чалавечнасць

Глыбіня, якая прысутнічае ў Францішку, гэта благаслаўленне для ўсёй Царквы, не толькі для Каталіцкага Касцёла, - падкрэсліў Архіепіскап Кентэрберыйскі Джасцін Уэлбі.

Аляксандр Панчанка – Vatican News

Прымас Англіканскай Царквы ў сваім віншаванні Францішку з нагоды дзясятай гадавіны яго абрання на Пасад святога Пятра згадаў пра іх першую сустрэчу і вылучыў тры галоўныя рысы Пантыфіка.

“Я пераканаўся ў яго надзвычайна глыбокай чалавечнасці, якая не сыходзіць да кампрамісаў з праўдай і надае кожнаму чалавеку бясконцую каштоўнасць. Многія кажуць пра гэта – я пра гэта кажу, – але ён гэтым жыве”, - дадаў Архіепіскап Уэлбі.

Другая рыса, на якую звярнуў увагу англіканскі лідар – гэта шырока вядомая адкрытасць Папы ў падыходзе да маралі, які намагаецца глядзець на праблемы з дапамогай “іншай лінзы”, іншым чынам. “Магчыма справа ў яго езуіцкім досведзе”, - напісаў іерарх, падкрэсліваючы, што калі гаворыш з Францішкам пра розныя пытанні, на якія павінны адказаць Цэрквы, ён глядзіць у чалавечае сэрца і знаходзіць такія шляхі любові, якія здольныя зрабіць растапіць самыя закамянелыя часткі сэрца”, - заўважыў Прымас, дадаючы, што трэцяй рысай Папы лічыць яго шчырую прастату.

“Гэтыя тры рэчы: яго славутыя інтэлектуальныя здольнасці і характар, глыбіня яго сэрца і прастата, дазваляюць яму дасягнуць надзвычайным чынам тых, хто знаходзіцца па-за Касцёлам, як рабіў святы Ян Павел ІІ. У ім ёсць глыбіня, якая з’яўляецца благаслаўленнем для ўсёй Царквы, не толькі для Каталіцкага Касцёла”, - завяршыў сваё віншавальнае пасланне англіканскі іерарх.
 

13 сакавіка 2023, 08:42
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031