Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
cSimona-Ghizzoni.-Courtesy-Simona-Ghizzoni-Pontificio-Consiglio-della-CulturaAEM.jpg

Святы Пасад у АБСЕ аб роўнай годнасці мужчыны і жанчыны

Гвалт у адносінах да жанчын і дзяўчат, фізічны, сексуальны і псіхалагічны, працягвае заставацца чумой грамадства, - адзначыў прадстаўнік Святога Пасаду на канферэнцыі АБСЕ ў Варшаве.

Аляксандр Амяльчэня - Vatican News

Ксёндз Януш Урбанчык падкрэсліў, што да пашырэння гэтай з’явы вядуць у тым ліку і канфлікты, што бачна на прыкладзе Украіны. Ён заўважыў, што гвалт у адносінах да жанчын часцей за ўсё існуе ў звычайных жыццёвых абставінах. Ён можа мець форму, напрыклад, жорсткага абыходжання на працоўным месцы, сексуальных дамаганняў, парнаграфіі, прастытуцыі, прымусовай стэрылізацыі, схілення да аборту або выбарачнага аборту.

Тое, як мы ставімся да жаночага цела, паказвае на ўзровень нашай чалавечнасці, - звярнуў увагу ватыканскі дыпламат, цытуючы Папу Францішка.

З іншага боку, сапраўдная падтрымка жанчын патрабуе змены стаўлення тых, хто ігнаруе і зневажае іх неад'емную годнасць. Гэта караніцца ў па-ранейшаму шырока распаўсюджаным перакананні, што жанчына ніжэйшая за мужчыну, і таму лічыцца нармальным, калі мужчына падпарадкоўвае яе і выкарыстоўвае для ўласнага задавальнення.

Калі агульная і роўная годнасць мужчыны і жанчыны не будзе прызнана, пацверджана і належным чынам растлумачана і прывіта будучым пакаленням, застаецца мала надзеі на пералом сучаснай тэндэнцыі, - выказаў перакананне прадстаўнік Святога Пасаду на форуме АБСЕ.
 

04 кастрычніка 2022, 10:25
Prev
March 2025
SuMoTuWeThFrSa
      1
2345678
9101112131415
16171819202122
23242526272829
3031     
Next
April 2025
SuMoTuWeThFrSa
  12345
6789101112
13141516171819
20212223242526
27282930