Жан Валь. Унутраная раздвоенасць

У новым выпуску падкаста “Філасофскія нататкі” ксёндз Раман Суша прапануе задумацца над глыбокай і вельмі асабістай тэмай – унутранай раздвоенасцю чалавека, якую апісвае французкі мысляр Жан Валь.

Валь прапануе замест пошуку Бога толькі ў вышынях, вучыцца бачыць Яго ў самых дробных, часам нават балючых дэталях нашай штодзённасці. Філосаф заклікае павярнуцца да нашага ўнутранага вопыту, менавіта ў ім крыецца, разам з ім крыецца, шлях да Бога.

Чаму “няшчасная свядомасць” можа стаць крыніцай духоўнага росту, і як не спрабаваць заглушыць унутраную пустэчу, а навучыцца яе перажываць – пра гэта ў новым выпуску падкаста, які запрашае спыніцца, услухацца ў сябе і, магчыма, адкрыць Божую прысутнасць там, дзе мы звычайна не шукаем.