Леў ХІV распачаў візіт да мігрантаў на Лампедузе
Аляксандр Амяльчэня - Vatican News
Самалёт з Папам на борце прызямліўся 4 ліпеня 2026 года ў 8.54 у мясцовым аэрапорце. Так распачаўся яго пастырскі візіт на гэты востраў. Пасля прыбыцця Святы Айцец адразу накіраваўся на мясцовыя могілкі. Там ён усклаў кветкі на магілы мігрантаў, якія загінулі падчас пераправы з Афрыкі.
Затым Папа спыніўся для кароткай малітвы каля помніка "Брама Еўропы". Наступным пунктам падарожжа стала наведванне пірса "Мола Фаварола". Гэта асаблівае месца, якое 8 ліпеня 2013 года наведаў Папа Францішак падчас сваёй першай паездкі пасля абрання. Мясцовыя ўлады прынялі рашэнне назваць гэты пірс у гонар Папы Францішка. З гэтай нагоды там таксама адкрылі адмысловую памятную шыльду.
Каля 10.30 на мясцовым стадыёне распачнецца святая Імша, якую ўзначаліць Святы Айцец. Леў ХІV прамовіць гамілію, якая стане галоўным момантам гэтага падарожжа. Пасля завяршэння Імшы Пантыфік правядзе сустрэчу з хворымі людзьмі і валанцёрамі. Прыблізна ў 12.30 Папа вылеціць з Лампедузы назад у Рым.
