Тэлефонная размова Льва XIV і прэм’ера Канады: мір і этыка
Аляксандр Амяльчэня - Vatican News
У другой палове дня 29 мая 2026 года адбылася размова па тэлефоне паміж Святым Айцом і прэм’ер-міністрам Канады Маркам Карні. Непасрэднай нагодай для гэтага кантакту стала нядаўняе апублікаванне першай энцыклікі Льва XIV "Magnifica Humanitas".
Падчас камунікацыі бакі засяродзілі асаблівую ўвагу на актуальным пытанні сучаснасці – развіцці штучнага інтэлекту. Папа і кіраўнік канадскага ўрада падкрэслілі важнасць абмеркавання гэтай тэмы ў этычнай перспектыве. Суразмоўцы пагадзіліся, што ў любым тэхналагічным падыходзе цэнтральнае месца павінен займаць чалавек.
Акрамя лічбавай сферы, Леў XIV і Марк Карні закранулі шэраг пытанняў, якія маюць супольнае значэнне як на рэгіянальным, так і на міжнародным узроўнях. Асноўны акцэнт быў зроблены на сумеснай адказнасці за захаванне міру ў свеце.
У гэтым кантэксце падчас гутаркі была падкрэслена важнасць прыхільнасці да справы міру паміж народамі. Асаблівая ўвага звярталася на неабходнасць урэгулявання сітуацыі на Блізкім Усходзе і ва Украіне.
