Прэм’ер-міністр Літвы здзейсніла візіт у Ватыкан
Аляксандр Панчанка - Vatican News
7 сакавіка 2026 года Леў XIV прыняў на аўдыенцыі ў ватыканскім Апостальскім палацы прэм’ер-міністра Літвы Інгу Ругінене, якая затым сустрэлася з арцыбіскупам Полам Рычардам Галахерам, сакратаром па адносінах з дзяржавамі і міжнароднымі арганізацыямі.
“Падчас сардэчных размоў у Дзяржаўным сакратарыяце выказвалася задавальненне добрымі адносінамі паміж Святым Пасадам і Літвой, адзначаўся станоўчы ўклад Каталіцкага Касцёла на карысць годнасці чалавека і агульнага дабра грамадства”, - гаворыцца ў афіцыйным камюніке Залы Друку Апостальскай Сталіцы.
Паведамляецца таксама, што бакі абмеркавалі некаторыя пытанні міжнароднага характару, з асаблівай увагай на канфлікты ва Украіне і на Блізкім Усходзе, выказваючы надзею на тое, што на ўсіх узроўнях будуць прыкладацца намаганні для пошуку дыпламатычных рашэнняў, якія дазволяць пакласці канец вайне.
