Святы Айцец завяршыў падарожжа ў Княства Манака

Аляксандр Панчанка - Vatican News

Пасля святой Імшы на мясцовым стадыёне імя Луі II Леў XIV накіраваўся ў геліапорт, дзе прайшла афіцыйная цырымонія развітання. У ёй бралі ўдзел князь Альберт II і княгіня Шарлен.

Пасля кароткай размовы з княжацкай парай і развітання з прадстаўнікамі мясцовых грамадзянскіх і касцельных уладаў Святы Айцец падняўся на борт верталёта, які ўзняўся ў паветра каля 17.30 па мясцовым часе. Палёт да Ватыкана зойме каля дзвюх гадзін. За гэты час у паветры будзе пераадолена каля 500 кіламетраў.