Навука і вера: Леў XIV прыняў кіраўнікоў Папскіх акадэмій
Аляксандр Амяльчэня - Vatican News
Пантыфік сустрэўся з старшынёй Папскай акадэміі навук Ёахімам фон Браўнам і кіраўніцай Папскай акадэміі сацыяльных навук, брытанскай манахіняй-дамініканкай і эканамістам Хелен Алфард.
Гэтыя ўстановы з’яўляюцца міжнароднымі экспертнымі пляцоўкамі, якія аб’ядноўваюць навукоўцаў розных краін і светапоглядаў. Дзейнасць акадэмій накіравана на вывучэнне пытанняў, што маюць значэнне для чалавецтва і дзейнасці Касцёла ў сучасным свеце.
Роля абедзвюх акадэмій заключаецца ў тым, каб трымаць Пантыфіка ў курсе найноўшых дасягненняў у прыродазнаўчых і грамадскіх дысцыплінах. Праз рэгулярныя справаздачы і асабістыя сустрэчы навукоўцы прадстаўляюць аб'ектыўны стан сусветных навуковых дэбатаў. Такая практыка дазваляе Апостальскай Сталіцы ўлічваць актуальныя экспертныя даныя пры разглядзе глабальных выклікаў сучаснасці.
