Пантыфік: ніводзін народ не павінен спазнаць жах генацыду

Аляксандр Панчанка - Vatican News

Пантыфік нагадаў, што 27 студзеня адзначаўся Міжнародны дзень памяці ахвяр Халакосту – падзеі, “якая пазбавіла жыцця мільёны яўрэяў і многіх іншых людзей”. “У гэты штогадовы дзень балючага ўспаміну я прашу Усемагутнага аб дары свету, свабоднага ад антысемітызму, забабонаў, прыгнёту і пераследу любой чалавечай істоты. Я зноў звяртаюся да супольнасці народаў з заклікам заўсёды заставацца пільнымі, каб жах генацыду больш ніколі не абрынуўся ні на адзін народ, і будаваць грамадскі лад, заснаваны на ўзаемнай павазе і агульным дабры”, - сказаў Леў XIV.

Святы Айцец таксама згадаў пра разбуральныя паводкі ў Мазамбіку. “Молячыся за загінулых, я выказваю сваю блізкасць людзям, якія былі эвакуіраваныя, і ўсім, хто аказвае ім падтрымку”, - сказаў Папа.