Леў XIV адзначыў каштоўнасць духоўнай спадчыны катэдры ў Таледа
Аляксандр Панчанка - Vatican News
“Я спадзяюся, што 2026 год, і асабліва Юбілейны год катэдры, стане часам ласкі, прабачэння і міласэрнасці; годам удзячнасці за тое, што Касцёл у Таледа падарыў гісторыі Іспаніі, Еўропы і Лацінскай Амерыкі”, - напісаў Папа ў пасланні, якое было апублікавана ўвечары 29 студзеня 2026 года.
Сведка гістарычных падзеі
Пантыфік нагадаў, што ў 1226 годзе арцыбіскуп Радрыга Хімэнэс дэ Рада і святы кароль Фердынанд ІІІ Кастыльскі заклалі вуглавы камень цяперашняй гатыцкай катэдры на месцы ранейшага вэстгоцкага касцёла святой Марыі. Ён заўважыў, што на працягу сваёй гісторыі катэдра была сведкай шматлікіх падзеі, у прыватнасці справы, якая падчас праўлення Каталіцкіх каралёў завяршылася рэканкістай Каралеўства Гранада і евангелізацыяй Новага свету – падзеямі, увекавечанымі ў гэтых храме.
Каштоўнасць духоўнай спадчыны
Леў XIV адзначыў таксама, што на працягу юбілейнага года ў таледскай катэдры адбудуцца важныя літургічныя цэлебрацыі і культурныя падзеі, якія прадэманструюць багатую духоўную спадчыну мясцовага Касцёла і яго поўнае надзеі бачанне будучыні. У гэтым кантэксце ён падкрэсліў каштоўнасць масарабскага абрада, па які штодзённа служыцца літургія у гэтым храме. “Як жывыя камяні вы на працягу стагоддзяў захоўвалі і абаранялі веру і адзінства з Пасадам Пятра. Дзякую за ваша сведчанне”, - напісаў Папа.
Увага да новых форм беднасці
Пантыфік падзякаваў да дабрачынную і сацыяльную дзейнасць, якая рэалізуецца пры катэдральным касцёле з увагай да новых форм беднасці, якія ўзнікаюць у сучасным грамадстве. Ён заклікаў працягваць гэту працу, нагадаўшы, што “нельга забывацца пра ўбогіх, калі хочам застацца ў жывой плыні Касцёла, якая выплывае з Евангелля і ўзбагачае кожны момант гісторыі” (Dilexi te, 15).
