Прэм’ер-міністр Мальты здзейсніў візіт у Ватыкан

Аляксандр Панчанка - Vatican News

Пасля сустрэчы з Папам, палітык сустрэўся з кардыналам-дзяржсакратаром П’етра Паралінам, якога суправаджаў арцыбіскуп Пол Рычард Галахер, сакратар па адносінах з дзяржавамі і міжнароднымі арганізацыямі.

У ходзе шчырых перамоў у Дзяржаўным сакратарыяце былі падкрэслены добрыя двухбаковыя адносіны і плённае супрацоўніцтва паміж Касцёлам і дзяржавай. Асаблівая ўвага была нададзена тэмам, што ўяўляюць агульны інтарэс, у прыватнасці праблеме міграцыі, у вырашэнні якой актыўна ўдзельнічаюць як Касцёл, так і мальтыйскія ўлады. Таксама абмяркоўвалася сітуацыя ў Еўропе і на міжнароднай арэне, з асаблівай увагай да Украіны і Блізкага Усходу.