Папа: няхай святы Стэфан падтрымае хрысціян, якіх пераследуюць за веру
На заканчэнне сустрэчы з вернікамі на малітве “Анёл Панскі”, якая прайшла 26 снежня 2025 года на Плошчы Святога Пятра ў Ватыкане, Папа нагадаў пра хрысціян, якіх пераследуюць за веру.
Аляксандр Панчанка - Vatican News
“Успамінаючы святога Стэфана, першамучаніка, папросім яго заступніцтва, каб умацаваў нашу веру і падтрымаў супольнасці, якія найбольш пакутуюць з прычыны свайго хрысціянскага сведчання”, - сказаў Папа.
Пантыфік пажадаў, каб прыклад лагоднасці, мужнасці і прабачэння, які даў святы Стэфан, натхняў усіх, хто ў сітуацыях канфлікту прыкладае намаганні на карысць дыялогу, прымірэння і міру.
26 снежня 2025, 13:08
