Пантыфік: экалагічны крызіс патрабуе ўнутраннага навяртання

Марыя Валодзіна - Vatican News

Тэма сёлетняй ініцыятывы: Братэрства і інтэгральная экалогія. Яе дэвіз: "І ўбачыў Бог, што гэта добра." (Быц 1:31).

Біскупы Бразіліі заклікаюць бразільскі народ прайсці падчас Вялікага посту шлях унутранага навяртання, заснаваны на энцыкліцы Laudato si’ (2015) і апостальскай адгартацыі Laudate Deum (2023), у якіх падкрэсліваецца тэрміновасць клопату пра навакольнае асяроддзе. Сённяшні экалагічны крызіс патрабуе глыбокага ўнутраннага навяртання кожнага з нас, каб дазволіць прыродзе адпачыць ад эксплуатацыі чалавекам, - гаворыцца ў пасланні Францішка, напісаным 11 лютага 2025 года, у літургічны ўспамін Маці Божай Лурдскай.

Папа падкрэсліў важнасць будучай 30-й Канферэнцыі бакоў па клімаце (COP-30), якая ў лістападзе 2025 года адбудзецца ў бразільскім горадзе Белен, у самым сэрцы дарагой яму Амазоніі. Святы Айцец выказаў спадзяванне, што канферэнцыя дапаможа нацыям і міжнародным арганізацыям “пераадолець кліматычны крызіс і захаваць цудоўнае стварэнне, якое Бог даверыў нам і за якое мы нясём адказнасць перад будучым пакаленнем”.

Пантыфік пажадаў бразільскім вернікам, каб велікапосны шлях прынёс духоўныя плёны і ўзмацніў надзею ў Юбілейны год. Ён даручыў Бразілію апецы Маці Божай з Апарэсіды і благаславіў усіх бразільцаў, асабліва тых, хто клапоціцца аб нашым агульным доме.