Папа адказаў на ліст маці, якая згубіла сына ў дарожным здарэнні

Аляксандр Панчанка - Vatican News

Святы Айцец заўважыў, што боль страты ўласнага дзіцяці настолькі моцны, што нават не існуе слова, каб назваць бацькоў, якія перажылі яго. “Жонка, якая згубіла мужа – удава. Муж, які згубіў жонку – удавец. Дзіця, якое згубіла бацькоў – сірата. Але для бацькоў, якія страцілі дзіця, такой назвы няма”, – напісаў Святы Айцец.

Папа, глыбока крануты болем маці, параіў ёй слухаць уласнае сэрца, у якім заўсёды прамаўляе Бог. “Езус, які плача разам з намі, сее ў нашым сэрцы ўсе адказы, што мы шукаем”, - напісаў ён, працытаваўшы таксама словы святога Яна Паўла ІІ пра тое, што “не існуе такога зла, якое Бог не мог бы перамяніць у яшчэ большае дабро”.

У новым нумары ватыканскага часопіса, таксама апублікаваны аповед кардынала Чарльза Бо, арцыбіскупа Янгона, пра сітуацыю ў М’янме і дзейнасць Касцёла ў гэтай краіне; артыкул сястры Сымоны Брамбілы, прэфекткі Дыкастэрыі па справах Інстытутаў кансэкраванага жыцця і Таварыстваў апостальскага жыцця, пра досвед малітвы, якія ператварае людзей у братоў і сясцёр; а таксама інтэрв’ю з італьянскім мастаком Маўрыцыа Катэланам, прысвечаным тэме правакацыйнай творчасці.