Пантыфік не выключае візіту ў Кіеў

Аляксандр Амяльчэня - Vatican News

Як звычайна, падчас палёту Папа адзін за адным прывітаў больш за 70 журналістаў, якія суправаджаюць яго ў паездцы, і абмяняўся з імі некалькімі словамі.

Супрацоўнік амерыканскага тэлеканала NBC NEWS Клаўдыё Лаванга задаў Пантыфіку пытанне аб магчымасці яго візіту ў Кіеў. Францішак адказаў, што такая прапанова “ляжыць на стале”. Аб гэтым напісаў сам журналіст, які ўваходзіць у папскі прэс-пул, у сваім Twitter.

У апошнія тыдні Святы Айцец атрымаў лісты з запрашэннямі ва ўкраінскую сталіцу, у тым ліку ад мэра Віталя Клічко.