Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Cristobal de Morales: Lamentabatur Jacob, a
Расклад Падкасты
11042013_131237_Death_penaltyBBC.jpg

Францішак заклікаў бароцца з эканомікай гандлю людзьмі

Пантыфік у чарговы раз звярнуў увагу міжнароднай супольнасці на неабходнасць рашучай барацьбы з драматычным феноменам гандлю людзьмі.

Аляксандр Амяльчэня - Vatican News

"У Сусветны дзень барацьбы з гандлем людзьмі я заклікаю ўсіх разам з пацярпелымі ператварыць эканоміку гандлю людзьмі ў эканоміку дапамогі", - напісаў Францішак 30 ліпеня 2021 г. у сацыяльнай сетцы Twitter.

У гэтым годзе тэма кампаніі ААН звяртае ўвагу на ахвяр як ключавых удзельнікаў барацьбы з гандлем людзьмі і на вырашальную ролю, якую яны адыгрываюць у распрацоўцы эфектыўных мер па прадухіленні гэтага злачынства, выяўленні і выратаванні ахвяр, падтрымцы іх на шляху да рэабілітацыі.

На сваім сайце Арганізацыя нагадвае, што многія ахвяры гандлю людзьмі сутыкаюцца з неразуменнем у сваіх спробах атрымаць дапамогу. Яны перажылі сапраўдныя траўмы пасля выратавання падчас ідэнтыфікацыйных інтэрв'ю і судовых разглядаў. Некаторыя сутыкнуліся з паўторнай віктымізацыяй і пакараннем за злачынствы, якія іх прымусілі здзейсніць гандляры людзьмі. Іншыя падвяргаліся стыгматызацыі ці не атрымалі дастатковай падтрымкі.

Касцёл адзначае Сусветны дзень малітвы і разважанняў супраць гандлю людзьмі 8 лютага, у дзень літургічнага ўспаміну св. Джузэпіны Бакіты. Сёлета ён прайшоў пад дэвізам "Эканоміка без гандлю людзьмі".

У сваім відэазвароце з гэтай нагоды Францішак звярнуў увагу на неабходнасць “эканомікі клопату, эканомікі, у якой рыначныя правілы спрыяюць справядлівасці, эканомікі мужнай”. Такі падыход прадугледжвае клопат пра людзей і прыроду, дзе прадукты і паслугі існуюць для росту агульнага дабра. Гэта эканоміка, якая стварае магчымасці працаўладкавання, дзе адсутнічае выкарыстанне работніка і ёсць салідарнасць.

"Эканоміка без гандлю людзьмі – гэта эканоміка з рынкавымі правіламі, якія спрыяюць справядлівасці, а не выключным частковым інтарэсам", - падкрэсліў Францішак.
 

30 ліпеня 2021, 14:50
Prev
March 2025
SuMoTuWeThFrSa
      1
2345678
9101112131415
16171819202122
23242526272829
3031     
Next
April 2025
SuMoTuWeThFrSa
  12345
6789101112
13141516171819
20212223242526
27282930