![Папа Францішак і Прэзідэнт Ірака Папа Францішак і Прэзідэнт Ірака](https://media.vaticannews.va/media/content/dam-archive/vaticannews/agenzie/images/reuters/2021/03/05/13/1614948035242.JPG/_jcr_content/renditions/cq5dam.thumbnail.cropped.750.422.jpeg)
Францішак сустрэўся з Прэзідэнтам Ірака
Афіцыйная цырымоніі прывітання Святога Айца адбылася перад Прэзідэнцкім палацам у Багдадзе. Пасля выканання дзяржаўных гімнаў Ватыкана і Іраку ў неба былі выпушчаны два голуба, сімвал міру. Францішак атрымаў кветкі ад двух дзяцей у традыцыйных строях.
Пасля прыватнай сустрэчы з іракскім лідарам Францішак уручыў яму асобнік спецыяльнага выдання энцыклікі Fratelli tutti і памятны медальён, зроблены з нагоды падарожжа. На ім змешчаны геаграфічныя контуры Ірака, з поўначы на поўдзень якога працякаюць рэкі Тыгр і Еўфрат, выява Абрагама, што на заклік Пана выходзіць з Ура Халдэйскага, а таксама пальмы – сімвалу росквіту, матэрыяльнага і духоўнага дабрабыту. На медалі змешчаны надпіс на лацінскай мове: “VISIT IRAQUIAM V-VIII MARTII-MMXXI” (Візіт у Ірак, 5-8 сакавіка 2021 г.)