Епіскапат Венесуэлы: 85 касцёлаў пацярпелі ад землятрусу
Аляксандр Амяльчэня - Vatican News
Паводле даных, пацярпелі 94 будынкі, у тым ліку 85 касцёлаў, 6 дамоў для рэкалекцый, шпіталь, семінарыя і адміністрацыйны офіс.
Найбольшыя пашкоджанні засяроджаны ў дыяцэзіях і архідыяцэзіях Ла-Гуайра, Маракай, Сан-Феліпэ, Пуэрта-Кабэла, Лос-Тэкес, Валенсія, Баркісімета, Каракас і Кора. У папярэдняй справаздачы біскупы адзначылі, што тэхнічны агляд на месцы будзе працягвацца, дзякуючы чаму даныя пра маштаб знішчэнняў у пацярпелых храмах можна будзе ўдакладніць у бліжэйшыя тыдні.
Епіскапат паўторна заклікаў вернікаў маліцца за пацярпелыя парафіяльныя супольнасці і выказаў глыбокую ўдзячнасць установам і людзям добрай волі, якія ўжо далучыліся да супрацоўніцтва ў справе аднаўлення.
Паводле апошніх звестак, у выніку землятрусу загінулі самае меншае 6125 чалавек.
