"Тыдзень рэлігійнай свабоды": заклік біскупаў Амерыкі
Аляксандр Амяльчэня - Vatican News
Гэтая маштабная касцельная ініцыятыва распачалася 22 чэрвеня 2026 года, у дзень успаміну святых Томаса Мора і Яна Фішэра. Як адзначае Канферэнцыя Каталіцкіх Біскупаў Злучаных Штатаў Амерыкі, свабода веры дазваляе супольнасцям публічна служыць грамадству.
Першы дзень быў прысвечаны малітве аб спыненні палітычнага і антырэлігійнага насілля. Біскупы занепакоены тым, што палярызацыя ператвараецца ў напады, а нянавісць становіцца часткай палітычнай ідэнтычнасці. Таму яны заклікалі дзяржаўнае кіраўніцтва падтрымліваць мір і грамадскую згоду.
Малітоўная інтэнцыя на 23 чэрвеня 2026 года прысвечана правам мігрантаў. Пастыры Амерыкі просяць аб малітве, каб прыбылыя з розных краін маглі карыстацца сакрамэнтамі і бяспечна аддаваць пашану Богу. Біскупы адзначаюць, што дзеянні амерыканскай улады ўплываюць на рэлігійная жыццё людзей, выклікаючы страх перад удзелам у набажэнствах і абмяжоўваючы доступ да рэлігійнага служэння ў цэнтрах утрымання.
Амерыканскія біскупы таксама выступаюць у абарону права бацькоў на выбар школы і выхаванне дзяцей у згодзе з уласнымі перакананнямі. У адказ на гендарную ідэалогію яны заклікаюць да цярплівага тлумачэння касцельнага вучэння аб любові, сексуальнасці і чалавеку. Рэлігійная свабода застаецца галоўнай умовай для таго, каб вернікі маглі служыць агульнаму дабру.
